ABŞ-ın Nyu-York şəhərinin Bronks rayonunda çoxmərtəbəli yaşayış binasında baş verən yanğında azı 19 nəfər ölüb.

Avesta.az xəbər verir ki, bu barədə yanğınsöndürmə idarəsindəki mənbəyə istinadən “Associated Press” xəbər verib.

Yanğında ölənlər arasında 9 uşaq da var.

Qeyd edək ki, yanğın 19 mərtəbəli yaşayış binasının aşağı mərtəbələrindən birində baş verib. Yanğının başladığı iddia edilən mənzilin qapısı açıq olduğu üçün alov və tüstü sürətlə yayılıb. İkinci və üçüncü mərtəbələrı alov bürüyüb, tüstü növbəti mərtəbələrə qalxıb.

Yanğınla mübarizəyə 200 yanğınsöndürən cəlb olunub. Zərərçəkənlər, o cümlədən uşaqlar 5 şəhər xəstəxanasına aparılıb.