Türkiyəli məşhur serial cütlüklərinin hər bölümdən qazandığı qonorar bəlli olub. Siyahıda bölüm başına 800 000 lirədən, 4 milyon 250 min lirəyə qədər qonorar alan aktyor və aktrisaların adları yer alıb. Bir bölümdən fantastik qonorar alan aktyor Kenan İmirzalıoğlu, ən az qonorar alan isə "Halef: Köklerin Çağrısı" serialındakı aktrisa Biran Damla Yılmaz olub. O hər bölümdən cəmi 800 000 lirə qazanc əldə edir. Aktyorların seriallardan milyonlar qazanması, o cümlədən tərəf müqabilləri ilə xeyli qonorar fərqi olduğu sosial şəbəkələrin geniş müzakirə mövzusuna çevrilib.

Bu dəfə AVESTA.AZ seriallardan milyonlar qazanan türkiyəli məşhurların siyahısını oxuculara təqdim edir:

"Çarpıntı" serialı üçün Kerem Bürsin bölüm başına 2.5 milyon lirə, Lizge Cömert isə 1 milyon lirə qonorar alır.

"Uzak Şehir" serialının bir bölümü üçün Ozan Akbaba 2.5 milyon lirə, tərəf müqabili Sinem Ünsal isə 1.5 milyon lirə alır.

"Veliaht" serialında Akın Akınözü hər bölümə 1.5 milyon lirəyə çəkilir. Aktyorun tərəf müqabili Serra Arıtürk isə bunun üçün cəmi 850 00 min lirə qonorar alır.

"Sahtekarlar" serialının baş rol ifaçıları Burak Deniz və Hilal Altınbilek hər bölümdən 2 milyon lirə qazanırlar.

"Halef: Köklerin Çağrısı" serialının aktyoru İlhan Şen bir bölümə görə 1.3 milyon lirə, aktrisa Biran Damla Yılmaz cəmi 800 000 lirə qonrar alır.

"Kuruluş: Orhan" serialında çəkilən aktyor Mert Yazıcıoğlu hər bölümdən 2.5 milyon lirə, gənc həmkarı Mahassine Merabet isə bir bölümdən 1 milyon lirə qonorar əldə edir.

"Abi" serialında baş rolu canlandıran aktyor Kenan İmirzalıoğlu hər bölümdən 4 milyon 250 min lirə, Afra Saraçoğlu isə 2.5 milyon lirə qazanır.

"Güller ve Günahlar" serialının hər bölümündən aktyor Murat Yıldırım 2 milyon, onun tərəf müqabili Cemre Baysal isə 1 milyon lirə qazanır.

"Taşacak Bu Deniz" serialının aktyoru Ulaş Tuna Astepe hər bölümdən 1.2 milyon lirə, həmkarı Deniz Baysal isə 1 milyon lirə qonorar əldə edir.

Aktyor Çağatay Ulusoy, "Eşref Rüya" serialının hər bölümündən 3 milyon 250 min lirə, Demet Özdemir isə 2 milyon lirə qazanır.