Kiyev şəhərinin Svyatoşinsk rayon məhkəməsi Rusiyanın "Volqa- Dnepr" aviaşirkətinə məxsus 12 An- 124- 100 "Ruslan" nəqliyyat təyyarəsinə həbs qoyub

 

Moderator.az xəbər verir ki, bu barədə martın 31- də "Antonov" şirkətinin maraqlarını təmsil edən "İlyaşev və tərəfdaşları" hüquq firmasının mətbuat xidmətinə istinadən UNİAN  saytı məlumat yayıb.

 

Hazırda üç təyyarəyə Almaniyadan, birinə isə Kanadadan uçuş etməyə qadağa qoyulub, digər ölkələrdə həbslə bağlı işlər davam edir. Belə həbs əşyayi- dəlillər sübutlarının saxlanılmasını təmin etmək və sonradan dəymiş zərərin ödənilməsi üçün qoyulub.

 

Təyyarələrin ümumi dəyəri 24 milyard qriven ( 800 milyon dollardan artıq) təşkil edir.

 

 "Rosaviasiya qanunsuz olaraq "Volqa- Dnepr" şirkətlər qrupuna daxil olan şirkətə "Ruslan" təyyarələrinə uçuş yararlığı sertifikatlarını vermək hüququ tanıyıb. Faktiki olaraq son illər ərzində "Volqa- Dnepr" özü- özünə sertifikatlar verərək, hava gəmilərinin təhlükəsiz uçuşuna təhlükə törədib, bu isə beynəlxalq konvensiyaların müddəalarının kobud şəkildə pozulmasıdır", - məlumatda belə deyilir.

 

Məhkəmənin qərarına uyğun olaraq, təyyarələr Ukraynanın korrupsiya və digər cinayətlərdən əldə edilən aktivlərin müəyyən edilməsi, axtarışı və idarə olunması məsələləri üzrə Milli agentliyinin (ARMA) idarəsinə verilməlidir.

 

Bunda  əvvəl məlumat verilib ki, dünyada ən iri "AerCap" lizinq şirkəti Ukraynaya hücumdan sonra sanksiyalar ucbatından Rusiyanın oğurladığı təyyarələrə görə Rusiya Federasiyasına qarşı 3, 5 milyard dollarlıq iddia qaldırıb.