"Azərişıq" ASC Naxçıvanda mühüm enerji layihəsi üzrə sişlər görəcək. Belə ki, Nəzərabad yarımstansiyası ərazisində yerləşən elektrik yarımstansiyasının yenidən qurulmasını nəzərdə tutur.

AVESTA.AZ-in məlumatına görə, layihənin ümumi dəyəri təxminən 4,5 milyon manatdır.

Bu yarımstansiya bölgənin elektrik enerjisi ilə təminatında vacib rol oynayır. Köhnə və ya gücü yetərli olmayan elektrik avadanlıqları yenilənəcək, daha müasir və güclü sistemlərlə əvəz olunacaq. Bu isə həm elektrik təchizatının daha stabil olmasına, həm də gələcəkdə artan tələbatın qarşılanmasına imkan verəcək.

Qeyd edək ki, yenidənqurma işlərinin həyata keçirilməsi Babək rayonu ərazisində elektrik enerjisinin keyfiyyətini yaxşılaşdıracaq, fasilələrin azalmasına və daha etibarlı enerji təminatına şərait yaradacaq.