Ermənistan Təhlükəsizlik Şurasının katibi Alen Simonyan Bakıya səfər edə biləcəyini açıqlayıb.

AVESTA.AZ Ermənistan mediasına istinadən xəbər verir ki, Simonyan bu barədə sentyabrın 1-də Bişkekdə Azərbaycan Prezidentinin köməkçisi Hikmət Hacıyevlə görüşündən sonra danışıb.

Onun sözlərinə görə, görüşdə əsas müzakirə mövzusu Azərbaycan-Ermənistan sülh prosesinin dərinləşdirilməsi olub.

Ermənistan rəsmisi tərəflərin həllini gözləyən məsələlərin tənzimlənməsi üçün yeni mexanizmlərin tətbiqi barədə razılığa gəldiyini bildirib. O, Bakıya mümkün səfərinin konkret tarixinin hələ müəyyənləşmədiyini qeyd edib.