"Rosoboroneksport" şirkəti "Vampir" kimi tanınan RPG-29 tank əleyhinə qumbaraatanın modernləşdirilmiş versiyasını ilk dəfə Afrikada təqdim edəcək.

BAKU.WS xəbər verir ki, RPG-29M Cənubi Afrika Respublikasında keçiriləcək Africa Aerospace and Defence 2026 sərgisində nümayiş etdiriləcək.

Bildirilib ki, silahın modernləşdirilmiş versiyası hərbi əməliyyatlar təcrübəsi nəzərə alınmaqla hazırlanıb. RPG-29-un baz versiyası 1989-cu ildə silahlanmaya qəbul edilib və tandem döyüş başlığı ilə dinamik mühafizənin arxasındakı 650 millimetrədək zirehi deşə bilir.

RPG-29M-in əsas fərqləri arasında daha az çəki və təkmilləşdirilmiş erqonomika göstərilir. Həmçinin yeni versiyada nişangahla atəş məsafəsinin iki dəfə artırıldığı qeyd olunur.

Qeyd edək ki, daha əvvəl ABŞ-ın "The National Interest" jurnalı "Rosoboroneksport"un modernləşdirilmiş RPG-29M-lər üçün alıcılar tapa biləcəyini yazmışdı.