Azərbaycanın yunan-Roma güləşçisi Mahir Qurbanlı Albaniyanın paytaxtı Tiranada keçirilən U-17 Avropa çempionatında bürünc medal əldə edib.

"Report"un məlumatına görə, 110 kq çəki dərəcəsində yarışan idmançı finlandiyalı Tomas Rusiyə sonuncu xal prinsipinə əsasən (1:1) qalib gələrək 3-cü yeri tutub.

Bununla da Azərbaycanın yunan-Roma güləşçilərinin qitə çempionatında qazandığı medal sayı dördə çatıb. Daha əvvəl Elnar Ziyadov (48 kq), Ayxan Cavadov (55 kq) və Elmin Əliyev (80 kq) Avropa üçüncüsü olublar.

Azərbaycanın daha bir yunan-Roma güləşçisi Albaniyanın paytaxtı Tiranada keçirilən U-17 Avropa çempionatında bürünc medal qazanıb.

"Report"un məlumatına görə, 80 kq-da çıxış edən Elmin Əliyev 3-cü yer uğrunda görüşdə gürcüstanlı Giorgi Maxaradzeyə 6:2 hesabı ilə qalib gələrək fəxri kürsüyə qalxıb.

Azərbaycanın iki yunan-Roma güləşçisi Albaniyanın paytaxtı Tiranada keçirilən U-17 Avropa çempionatında bürünc medal qazanıb.

"Report"un məlumatına görə, 48 kq-da Elnar Ziyadov və 55 kq-da Ayxan Cavadov fəxri kürsünün 3-cü pilləsinə qalxıb.

İdmançılar medal görüşlərində müvafiq olaraq, moldovalı Viktor Postikaya (7:2) və ermənistanlı Yuri Karapetyana (5:2) qalib gəliblər.

Qeyd edək ki, bu gün həmçinin 80 kq-da Elmin Əliyev və 110 kq-da Mahir Qurbanlı 3-cü yer uğrunda qarşılaşmaya çıxacaqlar.