Avesta xəbər verir ki, bu barədə "7 News" nəşri məlumat verib.

Kayla Fustamante danışıb ki, restoranda növbəni dəyişən zaman qəflətən belində çiddətli ağrı hiss edib. Amerikalı qadın işdə fasilələr edərək eyni zamanda internetdə bunun mümkün səbəblərini axtarıb. Öyrənib ki, özünü pis hiss etməsinin səbəbi böyrək daşları ola bilər. 

İşdən sonra qadın ağrıkəsici içib və yatağa girmək istəyib, lakin onun rəfiqəsi xəstəxanaya getməsinə təkid edib. 

Boş palata olmadığından, Fustamante dəhlizdə çarpayıya yerləşdirilib.

Tibb işçiləri əvvəlcə qadında yumurtalığın dağılmasını zənn ediblər. Amerikalı qadını ultrasəs müayinəsindən keçirib, həkimin rəyini gözləyiblər.

"Siz hamiləliyin 38-ci həftəsindəsiniz və bu gün uşaq dünyaya gətirəcəksiniz", - tibb işçisi deyib.

Fustamantenin sözlərinə görə, o, çox təəccüblənib və nitqi tutulub. 

Nəticədə pasient qadın sağlam qız uşağı dünyaya gətirib.