Qazaxıstan Prezidenti Kasım-Jomart Tokayev "Abu-Dabi Ports Group"un icraçı direktoru Məhəmməd Cuma əl-Şamisi ilə görüşüb.

"AVESTA.AZ" Qazaxıstan KİV-lərinə istinadən xəbər verir ki, görüşdə dövlət başçısı Aktau və Kurık limanlarının inkişafını Qazaxıstanın strateji hədəfi adlandırıb.

Tərəflər "Abu-Dabi Ports Group"un nəqliyyat və logistika sahəsində zəngin təcrübəsini nəzərə alaraq bu sahədə qarşılıqlı faydalı əməkdaşlığın perspektivlərini müzakirə ediblər.

Prezident Qazaxıstan neftinin Orta Dəhliz (Transxəzər Beynəlxalq Nəqliyyat Marşrutu) ilə Azərbaycana nəqlində yerli “KazMunayQaz” şirkəti ilə "Abu-Dabi Ports Group" arasında əməkdaşlığı müsbət qiymətləndirib.

O, həmçinin Avrasiyanı Körfəz ölkələri, Afrika və Hindistanla birləşdirən “Şimal-Cənub” marşrutunun potensialı barədə planlarını bölüşüb.

Qazaxıstanın dövlət başçısı bildirib ki, 2027-ci ildə marşrutun ötürücülük qabiliyyəti azı 70 % - 9 milyon tondan 15 milyon tona qədər artmalıdır.