Azərbaycan və Özbəkistan QHT-ləri bəzi sahələrdə əməkdaşlığı genişləndirə bilər.

"AVESTA.AZ"un Füzuliyə ezam olunmuş əməkdaşı xəbər verir ki, bu barədə Özbəkistan Qeyri-Hökumət Qeyri-Kommersiya Təşkilatları Milli Assosiasiyası İdarə Heyətinin sədri Kamoliddin İşanxocayev Füzulidə keçirilən Azərbaycan-Özbəkistan Qeyri-Hökumət Təşkilatlarının Əməkdaşlıq Forumu çərçivəsində jurnalistlərə açıqlamasında məlumat verib.

O, xüsusilə sosial müdafiə, işsizlik və gender bərabərliyi sahələrini qeyd edib: "Bu sahələrdə Azərbaycan və Özbəkistan QHT-lərinin fəaliyyətlərini səməriləşdirmək, təcrübələrimizi bölüşmək niyyətindəyik. Hazırda maraqlarımızın üst-üstə düşmədiyi hansısa bir sahə yoxdur. Özbək xalqı hər zaman Azərbaycan xalqının yanındadır, hər zaman öz dostlarımızın siyasətini dəstəkləyirik".