Azərbaycan Milli Məclisinin Mədəniyyət Komitəsi xalq yazıçısı Mövlud Süleymanlının ailəsinə başsağlığı verib.

"Report" xəbər verir ki, başsağlığında deyilir:

"Azərbaycan ədəbiyyatına ağır itki üz verib. Görkəmli nasir, dramaturq, ssenarist, "Şöhrət", "Şərəf" ordenləri laureatı,
Xalq yazıçısı Mövlud Süleymanlı vəfat edib.

Xalq yazıçısının ailəsinə, bütün doğmalarına başsağlığı verir, səbr diləyirik. Uca Tanrı rəhmət eləsin".

Xalq yazıçısı Mövlud Süleymanlı vəfat edib.

Bu barədə "Report"a yazıçının oğlu Elay Süleymanlı məlumat verib.

Onun sözlərinə görə, atası bir müddət əvvəl insult keçiribmiş: "İnsult keçirmişdi, 10 gün idi ki, komada idi. Təxminən yarım saat əvvəl dünyasını dəyişdi".