UEFA Çempionlar Liqasında 1/8 final mərhələsinə yekun vurulub.

“AVESTA.AZ”un məlumatına görə, mərhələnin son iki cavab oyunu keçirilib.

İtaliya A Seriyasının lideri “İnter” İspaniyada “Atletiko”ya oyunsonrası penaltilərlə məğlub olaraq mübarizəni dayandırıb. Digər cütdə Almaniya “Borussiya”sı Dortmundda Niderland təmsilçisi PSV-ni məğlub edərək yoluna davam edib.

Beləliklə, “Atletiko” və “Borussiya” 1/4 finala adlayıblar. Onlara qədər “Real”, “Barselona” (hər ikisi İspaniya), “Mançester Siti”, “Arsenal” (hər ikisi İngiltərə), “Bavariya” (Almaniya) və PSJ (Fransa) də növbəti mərhələyə yüksəlmişdilər.

UEFA Çempionlar Liqası
1/8 final mərhələsi, cavab oyunları
13 mart

“Atletiko” (İspaniya) – “İnter” (İtaliya) 2:1
Qol: Qrizmann, 35, Depay, 87 – Dimarko, 33
Penaltilərlə 3:2
Baş hakim: Şimon Marçinyak (Polşa).
Madrid, “Metropolitano” stadionu
İlk oyun - 0:1.

“Borussiya” (Dortmund, Almaniya) – PSV (Niderland) 2:0
Qollar: Sanço, 3, Roys, 90+5
Baş hakim: Daniele Orsato (İtaliya).
Dortmund, “Siqnal İduna Park” stadionu
İlk oyun - 1:1.