Fevralın 27-də İrəvanda Ukraynadakı hərbi əməliyyatlara qarşı aksiya keçirilib. Aksiyada Ukraynanın Ermənistandakı səfirliyinin əməkdaşları, Ermənistan Avropa Partiyasının və Milli Demokratik ittifaq nümayəndələri, Ermənistandakı Ukrayna icmasının nümayəndələri və digər şəxslər iştirak ediblər.  

Avesta.az xəbər verir ki, aksiyanı Ukraynanın Ermənistandakı səfirliyi təşkil edib.

 

Aksiya iştirakçıları əllərində Ermənistanın, Gürcüstanın, Çexiyanın, Polşanın, Avropa İttifaqının, Ukraynanın dövlət bayraqları, həmçinin üzərində göyərçin şəkilləri  və  “Stop war” (“Savaşı dayandırın”), "Love Peace - No War",("Sülh - Müharibə Yox) "No war in Ukraine("Ukraynada Müharibəyə Yox") yazıları olan plakatlar tutublar. 

 

Tədbir İrəvanın mərkəzində Taras Şevçenkonun abidəsi önündə keçirilib, tədbir iştirakçıları gül dəstələri düzüblər.

 

Ukraynanın Ermənistandakı müvəqqəti işlər vəkili Denis Avtonomov çıxışında deyib ki, hərbi əməliyyatlar “Ukrayna xalqı üçün kabus kimidir”.

 

Aksiyada Ermənistan Avropa Partiyasının lideri Tiqran Xzmalyan Milli Demokratik ittifaqın nümayəndəsi Varujan Avetisyan, politoloq Ara Papyan və digərləri çıxış ediblər.