30-11-2024, 16:12 761

Gürcüstan hadisələrinə baxış - baş verməyəcək yeni “gül inqilabı” - TƏHLİL

Gürcüstanda son 24 ildə kifayət qədər qalmaqallı proseslər yaşanıb. 2003-cü ildə ölkədə “qızılgül inqilabı” baş verib. O vaxtkı prezident Eduard Şevardndze bu siyasi hadisə nəticəsində tutduğu vəzifəni tərk etməli oldu.

Bu, Qərbin o zaman Gürcüstana tətbiq etdiyi plan idi. Bu təcrübə indiyədək davam edir. Qeyri-hökumət təşkilatları vasitəsi ilə proseslərə müdaxilə olunur. Onların maliyyələşdirilməsi mexanizmi sayəsində “dövlət içində dövlət”in qurulması, xalqın iradəsinin əksinə olaraq Qərbin daxili proseslərə açıq müdaxilə cəhdlərini artırması, qarşıdurmanın dərinləşdirilməsi, hətta olayların vətəndaş müharibəsi həddinə çatdırılması da anti-hökumət qruplarının əsas vəzifələrindən sayılır.

Hadisələr göstərir ki, Gürcüstanda QHT-çilərdən ibarət manqurt dəstələr, LGBT və ifrat liberal mövqe tutan sağ təmayüllü düşərgə formalaşdırılır. Onların irəli sürdüyü şüarlar da bunu təsdiqləyir.

Ölkədə süni şəkildə yaradılan dalğa səbəbindən bu gün siyasi müzakirələrdə Gürcüstanın ərazi bütövlüyü, itirilmiş torpaqların geri qaytarılması müzakirə mövzusu deyil.

SSRİ dağılandan sonra Rusiyadan uzaqlaşan qüvvələrə dəstək vermək məqsədi ilə “qeyri-hökuməti təşkilatları” adı altında qurulan siyasi-təşviqat texnologiyası indi də işə yarayır. Bu zaman həmin “təşkilatlar”, yaxud ayrı-ayrı “liberal”, “müstəqil” fiqurlar müxtəlif layihələr əsasında maliyyələşdirilir. Onların vasitəsilə dövlətin daxili işlərinə müdaxilə edilir.

Təbii, həmin təşkilatlar öz dövlətinin deyil, qrant aldıqları sponsorların maraqlarını təmsil edir, tapşırıqlarını qeyd-şərtsiz yerinə yetirirlər. Bu dəstələr aldıqları təlimatlara uyğun olaraq Gürcüstanda yaranmış vəziyyəti vətəndaş müharibəsi həddinə çatdıracaq qədər irəli getməkdədirlər.

Hazırda Gürcüstanın başlıca məsələsi ərazi bütövlüyünü bərpa etməkdir. Əhali, ordu, hakimiyyətlə yanaşı, ərazi də ölkənin dörd əsas atributundan biridir. Dövlətin ərazisi bütövləşməsə, ölkədə bütün istiqamətlərdə natamamlıq olur. Bu, demokratiyanın inkişafına da təsirsiz ötüşmür.

Mövcud şəraitdə Gürcüstandakı siyasi qüvvələrin əsas diqqətlərini bu istiqamətə yönəltmələri daha məntiqli olar. Qərblə Rusiya arasında qarşıdurmada iştirak Gürcüstan cəmiyyətinin parçalanmasını daha da sürətləndirir, ərazi bütövlüyünün bərpasını isə ləngidir.

Gürcü xalqı, ümumilikdə gürcüstanlılar Cənubi Qafqazın sayılıb- seçilən əhalisi olub. O, öz milli-mənəvi dəyələrinə, adət-ənənələrinə hər zaman sadiq qalıb. Ancaq qrant dəllalları Gürcüstan cəmiyyətinin əsaslarını LGBT və ifrat sağçı düşüncə sistemi ilə xeyli zədələyib. Bu məqamlar demokratiya və insan hüquqları kimi dəyərlərin “çətir”i altında gizlədilir.

“Seçki-etiraz-istefa-uğur” kvarteti Gürcüstanda iki dəfə uğur qazansa da, bu sxemin ölkəyə yenidən faydalı olma ehtimalı azdır.

Belə hadisələr 2014-cü ilin Ukrayna ssenarisinin bu dəfə Gürcüstanda quruluş verilən təkrarına oxşayır. Buraya küçə toqquşmaları, polisə qarşı zorakılıq və sair qəbuledilməz fəaliyyətlər daxildir. Məlumatlara əsasən, Gürcüstana Balkan, Şərqi Avropa və Baltik ölkələrindən çox sayda təxribatçılar gətirilib. Onların arasında silahlı diversantların olması ehtimalı yetərincə ciddidir. Etirazçıların məhz onlar tərəfindən odlu silahla vurulması və sonra bunun Gürcüstan hökumətinin üzərinə atılması da bu ehtimal zəncirinin mühüm halqalarından biridir.

Baş verən hadisələr fonunda Avropa İttifaqının (Aİ) Gürcüstandakı səfiri özünü diplomatdan çox canişin kimi aparır. Nə qədər paradoksal olsa da, hazırda Çin, Rusiya və digər ölkələri hibrid müharibələrin təşkilində günahlandıran Qərb özü Gürcüstanı vətəndaş müharibəsinə sürükləyir.

Qərbin Cənubi Qafqaz regionunda gərginliyi körükləmək cəhdləri Azərbaycan üçün xüsusilə qəbuledilməzdir. Gürcüstanda cərəyan edən proseslər bu ölkənin daxili işidir. Kənar qüvvələr və dövlətlərin bu hadisələrə müdaxiləsi demokratik dəyələrə nümayişkar sayğısızlıqdır. Yaranmış vəziyyət həm də demokratik əsaslarla keçirilmiş seçkilərin nəticələrinə hörmətlə yanaşmağı tələb edir.

Gürcüstanda qarşıdurmanın güclənməsi ölkəni idarəolunmaz və qanlı burulğana sala bilər. Regionda baş verən hadisələrə bu sayaq yanaşma, Cənubi Qafqaz ölkələrinin daxili işlərinə müdaxilə bölgənin təhlükəsizliyinə və sabitliyinə təhlükə yaradır. Bu baxımdan, regionda Qərbin ssenarisi üzrə yarana biləcək arzuedilməz şərait torpaqlarını işğaldan azad edərək müharibədən yeni çıxan Azərbaycan üçün də məqbul sayılmır.

Təəccüblü olsa da, Gürcüstanda keçirilən etiraz aksiyalarına bu ölkə ilə heç bir əlaqəsi olmayan prezident Salome Zurabişvili başçılıq edir. O, həm də Fransa vətəndaşıdır. Azərbaycana qarşı atdığı addımlar, etdiyi çıxışlarla Zurabişvili haradasa, Fransa prezidenti Emmanuel Makronla müqayisə edilə bilər.

Gürcüstan prezidenti hakimiyyətinin ilk altı ayında Azərbaycan əleyhinə təxribatçı davranışı və bəyanatı ilə yadda qalıb. O, ölkəsinin xarici işlər naziri vəzifəsində çalışanda da Azərbaycanın ünvanına xoşagəlməz çıxışları ilə diqqət mərkəzinə düşüb. Zurabişvili həmin vəzifədə 2004-cü il martın 20-dən 2005-ci il oktyabrın 19-dək işləyib. Onun bu vəzifədə cəmi 19 ay çalışdıqdan sonra qovulmasının səbəbi Gürcüstan parlamentinin sabiq sədri Nino Burcanadzeni təhqir etməsi olmuşdu. Onda Zurabişili Gürcüstan parlamentində çoxluqda olan Vahid Milli Hərəkat Partiyasını və şəxsən N.Burcanadzeni “klan diktaturası” yaratmağa cəhddə ittiham etmiş, rəqiblərini “kaci” (gürcü dilində “vəhşi”, “kəndçi”) adlandırmışdı. Gürcü nağıllarında “kaci” həm də “şeytan” (“demon”) deməkdir.

Salome Zurabişvili
Salome Zurabişvili

Başqa bir örnək. Azərbaycan və gürcü xalqının qanına əli batmış Mixeil Avayana 2019-cu il yanvarın 20-də Gürcüstanın Axalkalaki rayonunun Buqaşen kəndində büst qoyulub. Bu erməni terrorçu həm də Abxaziyada Gürcüstanın ərazi bütövlüyünə qarşı vuruşub. Salome Zurabişvili seçkiqabağı kampaniyada Axalkalaki rayonunda erməni seçicilərlə görüşdə onlara həmin büstün qoyulmasına dair vəd vermişdi. Borçalı bölgəsində azərbaycanlıların Mixeil Saakaşviliyə səs verməsinin acığını xanım Zurabişvili bu yolla çıxmışdı. Gürcüstandakı aksiyalarda ön plana çıxan Zurabişivil indi özünü “demokratyanın Janna Dark”ı rolunda görür.

Bu fonda Gürcüstandakı aksiyaları dəstəkləyən Avropa İttifaqının Özbəkistandakı nümayəndəsi Toyvo Klaarın davranışlarına da diqqət yetirməyə dəyər. O, Qafqaza göndərilmiş ifrat xristian təəssübkeşi və qatı islamofobdur. Klaar öz fəaliyyəti müddətində daim ermənilərin və Ermənistanın haqsız mövqeyini dəfələrlə müdafiə edib. Özbəkistanda da işə başladığı qısa müddətdə də vətəndaş cəmiyyəti seqmentinə nüfuz etmək üçün bütün vasitələrə əl atmaqdadır. Düşünmək olar ki, Fransa xüsusi xidmət orqanları onu “Avropa İttifaqının nümayəndəliyinin əməkdaşı” adı altında qurumun Daşkənddəki təmsilçiliyinə yerləşdirib.

Göründüyü qədər, Gürcüstanda tətbiq olunan məlum ssenari bu ölkənin “növbəti Ukrayna”ya çevrilməsidir. Qərb Ukrayna xalqını müharibəyə sürükləyərək sonu görünməyən məşəqqətlərə saldığı kimi, Gürcüstan üçün də eyni planı həyata keçirir.

Bu baxımdan, Mərkəzi Asiya ölkələrinin də həmin ssenarini ciddi şəkildə nəzərə almaları şərtdir. Təsadüfi deyil ki, Avropa İttifaqının Mərkəzi Asiya ölkələrindəki nümayəndəliklərinə bir qayda olaraq məhz Baltik ölkələrindən olan diplomatlar təyin edilir. Belə təsəvvür yaranır ki, Baltikyanı diplomatların əksəriyyəti Mərkəzi Kəşfiyyat İdarəsinin (MKİ) yetişdirməsidir.

Avropa İttifaqının Qazaxıstandakı nümayəndəliyinin rəhbəri Kestutis Yankauskas da litvalıdır. Piter Mixalkodan əvvəl qurumun Bakı ofisində işləyib. Onun da Azərbaycanda QHT təmsilçiləri ilə şübhəli əlaqələri müəyyən edildiyinə dair xəbərlər yayılmışdı.

Gürcüstandakı etiraz aksiyalarına başçılıq edən, onu təşkilatlandıranlar barəsində siyahını uzatmaq da olar. Ancaq çəkilən nümunələr bu prosesin Gürcüstan cəmiyyətinə hər hansı formada faydalı olacağını söyləməyə heç bir əsas vermir. Salome Zurabişvili və onun kimilərin “milli birlik” üçün “gürcü arzusu” olmağa yaramadığı gün kimi aydındır.

Ona görə də, Gürcüstandakı proseslərə kənar müdaxilə “astarın üzündən baha olması” ilə nəticələnəcək.

Paylaş

Xəbər lenti

İmişlidə suvarma kanallarına suyun verilişi iki ay dayandırılacaq - Səbəb Bu gün, 00:48 İsraildə İran kəşfiyyatına məlumat ötürməkdə şübhəli bilinən şəxs tutuldu Dünən, 23:48 Süni intellekt bumunda gözlənilməz geriləmə: Şirkətlər 4,2 trilyon dollar itirdi Dünən, 23:48 İtaliyadan Ukraynaya yeni hərbi dəstək: İki peykin radar məlumatları veriləcək Dünən, 22:48 Yeni tibb fakültələri açılır: Həkim çatışmazlığı aradan qalxacaq? Dünən, 22:48 Gəncədə binada köməksiz qalan uşaq xilas edildi Dünən, 22:48 Kür çayında suyun səviyyəsi xeyli artıb Dünən, 21:48 Husilər strateji boğazda nəzarəti ələ keçirdi: Yəmən ordusu geri çəkildi Dünən, 21:48 Salyanda avtomobil yoldan çıxaraq aşıb, ana və qızı xəsarət alıb Dünən, 21:48 Ağstafada sursat partlayışı nəticəsində xəsarət alan şəxsin durumu açıqlanıb Dünən, 20:48 Bakıda torpaq sürüşməsi: Hasarlar arasındakı məsafə üç metrə çatdı Dünən, 20:48 Prezident: "Ümummilli liderin Azərbaycan teleradiosuna göstərdiyi diqqət və qayğı bu sahənin inkişafında xüsusi yer tutur" Dünən, 20:48 İlham Əliyev: "Radio və televiziya Azərbaycan həqiqətlərinin təbliği baxımından mühüm əhəmiyyət daşıyır" Dünən, 20:48 Miri Yusif "ağsaqqal" sözünə təəccübləndi Dünən, 20:48 Marketlərdə satılan doğranmış meyvələrlə bağlı XƏBƏRDARLIQ Dünən, 20:48 Azərbaycanda xəstəxananın şöbə müdiri infarktdan öldü Dünən, 19:48 Minaya düşərək həlak olan şəxs 2 övlad atası olub Dünən, 19:48 Qazaxda yaşayış evinin həyətyanı sahəsində yanğın Dünən, 19:48 Prezident İlham Əliyev televiziya və radio işçilərini təbrik edib Dünən, 19:48 Sabah Bakıda bu ərazilərdə su olmayacaq Dünən, 18:48 Ağstafada sursat partlayıb: 1 nəfər həlak olub, daha biri xəsarət alıb Dünən, 18:48 Padel üzrə Respublika Kuboku yekunlaşdı! Dünən, 18:48 "Sən gəlməz oldun" ailəyə 1 milyon dollar qazandırıb" Dünən, 18:48 Milli Qəhrəmanla vida mərasimi keçirilməyəcək: Dəfnin vaxtı və yeri açıqlandı Dünən, 18:48 Bakıda və Abşeronda küləyin sürəti 27 m/s-ə çatıb Dünən, 18:48 Cüdo üzrə Bakı çempionatına yekun vurulub Dünən, 18:48 Ordubadda avtobus aşıb, 11 nəfər xəsarət alıb Dünən, 17:48 Azərbaycanın Milli Qəhrəmanı Ehtiram Əliyev vəfat etdi Dünən, 17:48 Azərbaycanda dəhşətli hadisə: İki nəfər minaya düşdü Dünən, 17:48 Şamaxıda doqquz ton meyvə ətrafa dağıldı, YOL BAĞLANDI Dünən, 17:48 Azərbaycan batut gimnastikası tarixində ilkə imza atıldı Dünən, 17:48 Dörd ay davam edəcək - Noyabr, dekabr, yanvar və fevral Dünən, 16:48 Sürücülərə XƏBƏRDARLIQ - Yollarda görünüş 500 metrədək məhdudlaşacaq Dünən, 16:48 Yataqxanada meyiti tapılan Elviranın müəmmalı ölümü ilə bağlı AÇIQLAMA Dünən, 16:48 Media və Yayım Şurası Fransadan idarə olunan "YouTube" kanalını ifşa edib Dünən, 16:48 Əməkdar artist Arif Mirzəyev DƏFN EDİLDİ Dünən, 16:48 SpaceX tarixə düşdü: Kosmik gəmi havada mexaniki qollarla tutuldu Dünən, 15:48 Qrip və pnevmoniyadan qorunmağın ən effektiv yolu açıqlanıb Dünən, 15:48 Can Yamanın son görünüşü müzakirələrə səbəb olub Dünən, 15:48 Təyyarənin qaçırılacağı iddiası Moskvaya uçuşu iki saat gecikdirdi Dünən, 14:48 Azərbaycanlıların olduğu daha bir gəmiyə dron hücumu Dünən, 14:48 İran Trampı PUA hücumu ilə hədəfə almağı planlaşdırır Dünən, 14:48 Yuxusuzluq infarkt və insult riskini artırır – Həkimdən xəbərdarlıq Dünən, 14:48 Çin Nvidia-nın keçmiş rəhbərini kəşfiyyat hədəfinə çevirib? – WSJ-dən iddia Dünən, 14:48 Makron: Ukrayna NATO-da tamhüquqlu yerini tutmalıdır Dünən, 13:48 Portuqaliya millisindən Ronaldoya xüsusi JEST Dünən, 13:48 Sabah bu ərazilərdə su olmayacaq - Xəbərdarlıq Dünən, 13:48 Fransa vətəndaş müharibəsi təhlükəsi ilə üz-üzədir Dünən, 13:48

Bu xəbərlərİ də oxuyun

EKSKLÜZİV XƏBƏRLƏR