ABŞ və İran arasında mübahisəli məsələlərin müzakirəsi iki raundlu danışıqlar çərçivəsində davam etdiriləcək. İlk görüş gələn həftə İsveçrənin Cenevrə şəhərində, növbəti görüş isə aprelin 26-da Oman Sultanlığında keçiriləcək.

BAKU.WS xəbər verir ki, bu barədə RIA Novosti məlumat yayıb.

Məlumata görə, Cenevrədə ABŞ və İran nümayəndə heyətləri arasında rəsmi danışıqların ilk raundu baş tutacaq. Ardınca isə tərəflər yüksək səviyyəli ikinci görüş üçün Oman şəhərinə toplanacaq.

Bundan əvvəl ABŞ administrasiyası Romada keçirilən danışıqlarda irəliləyiş əldə olunduğunu bəyan etmişdi. Amerikalı rəsmi bildirib ki, tərəflər arasında bir sıra məsələlər üzrə razılıq əldə olunub.

Qeyd edək ki, aprelin 12-də Omanda İran və ABŞ nümayəndələri arasında İranın nüvə proqramı ilə bağlı dolayı danışıqlar keçirilmişdi. Rusiya xarici işlər nazirinin müavini Andrey Rudenko bildirib ki, Moskva bu cür müzakirələri alqışlayır, lakin onların effektivliyini əldə olunmuş nəticələrə əsasən qiymətləndirəcək.