Gündəlik qidalanma vərdişlərimiz sağlamlığımız üzərində mühüm rol oynayır. Bəzi qidaların birlikdə qəbulu isə həzm problemlərinə, qidalanma balanssızlığına və uzunmüddətli sağlamlıq risklərinə səbəb ola bilər. Bu səbəbdən də mütəxəssislər bəzi qida birləşmələrindən uzaq durmağı tövsiyə edirlər. 

BAKU.WS sözügedən qidaları təqdim edir:

Süd və sitrus meyvələri

Süd məhsulları ilə portağal, mandarin və digər turş meyvələrin birlikdə qəbulu həzm sisteminə mənfi təsir edir. Bu qarışım südün mədədə laxtalanmasına səbəb olaraq qaz, köp və narahatlıq yarada bilər.

Ət və süd məhsulları

Ət və pendir kimi proteinlə zəngin qidaların birlikdə yeyilməsi mədə turşusunun artmasına və həzmin çətinləşməsinə səbəb olur. Həmçinin, bu qarışım maddələr mübadiləsini yavaşladır.

Balıq və süd

Ənənəvi olaraq, balıq və südün birlikdə yeyilməsi dəri problemlərinə səbəb ola biləcəyi düşünülür. Bu birləşmə bəzi insanlarda allergik reaksiyalar və ya dəri səpgilərinə yol aça bilər.

Meyvə və əsas yeməklər

Meyvələr, xüsusilə şirin olanlar, tez həzm olunur. Amma əsas yeməklərlə birlikdə qəbul edildikdə mədədə fermentasiya prosesinə səbəb ola bilər. Bu da köp və həzm pozğunluqlarına gətirib çıxarır.

Pomidor və xiyar

Təzə tərəvəzlər faydalı olsa da, pomidor və xiyar birlikdə yeyildikdə bəzən fermentasiya prosesinə səbəb olur. Bu, bəzi insanlarda həzm sistemində narahatlıq yarada bilər.

Mütəxəssislər balanslı və düzgün qidalanmanı tövsiyə edir. Qidaları uyğun şəkildə birləşdirmək orqanizmin qida maddələrini daha yaxşı mənimsəməsinə kömək edir və həzm sisteminin yükünü azaldır.