İstanbulun Bakırköy bölgəsində yerləşən çoxmərtəbəli otellərdən birində şiddətli alov qeydə alınıb.

BAKU.WS yerli mediaya istinadən xəbər verir ki, hadisə 6 mərtəbəli binanın zirzəmi yaxınlığındakı aşağı qatından başlayıb və qısa müddətdə digər mərtəbələri də bürüyüb.

Əraziyə cəlb olunan yanğından mühafizə və xilasetmə dəstələri binanın yuxarı hissələrində köməksiz qalan 7 nəfəri təhlükəsiz şəkildə çölə çıxarıblar.

Hadisə zamanı müxtəlif dərəcəli bədən xəsarətləri alan 12 şəxs təcili tibbi yardım maşınları ilə yaxınlıqdakı xəstəxanalara çatdırılıb. Təxminən altmış dəqiqə davam edən gərgin mübarizədən sonra yanğınsöndürənlər alovun qarşısını tam alaraq onu söndürüblər.

Qalereya