Məşhur xeyriyyəçi Hacı Nuran evlənməyə hazırlaşır. 
Avesta.az xəbər verir ki, o, bu barədə məlumatı sosial şəbəkə hesabında paylaşıb: 

“Xoşbəxtlik hamının haqqıdır, eləcə də mənim. Ömrümün 45-ci ilində əlimə bu gülü aldığım zaman içimdən qəribə bir hiss keçdi: dünyada ən gözəl xoşbəxtlik sevib-sevilməkdir.

Xoşbəxt o kəsdir ki, sevdiyi xanımla dünya evinə girir. Həyatda məncə bundan böyük xoşbəxtlik yoxdur.

Ona görə də mənim əzizlərim, sevin-sevilin. Həyat o qədər qısadır ki... Onu sevdiklərinizlə mənalı edin. Elə indicə bir dəstə gül alıb o gözəlin görüşünə gedin. Bəzən bir dəstə gül bir kitablıq sözü əvəz edir”.