Bu ilin avqust ayında istehlakçıların hüquqlarının qorunması, abonentlərin elektrik və istilik enerjisi, təbii qazla təchizatı və digər məsələlərlə bağlı Energetika Nazirliyi tabeliyində Enerji Məsələlərini Tənzimləmə Agentliyinə (AERA) bilavasitə və Energetika Nazirliyindən 568 müraciət daxil olub.

Bu barədə “Report”a Agentlikdən məlumat verilib.

Məlumata görə, elektrik enerjisi təchizatı ilə bağlı 29-u məlumat üçün olmaqla cəmi 486 müraciət, təbii qaz təchizatı ilə bağlı 4-ü məlumat üçün olmaqla cəmi 67 müraciət, istilik təchizatı ilə bağlı 1 müraciət, digər məsələlərlə bağlı isə 14 müraciət olub.

568 müraciətdən 271-ni Agentlik araşdırıb və cavablandırıb. 5 müraciət müvafiq qaydada baxılması və tədbir görülməsi üçün aidiyyəti üzrə göndərilib. 4 müraciət Energetika Nazirliyi ilə müştərək icra olunub, 260 müraciət hazırda baxılma prosesindədir.

33 məlumat xarakterli müraciətdən 19-u qaldırılan problemlərin həlli ilə bağlı təşəkkür məktubu olub.