2026-cı ilin ilk Günəş tutulması fevralın 17-də saat 19:46-da baş verəcək. Halqavari tutulma zamanı səmada "od halqası" görüntüsü yaranacaq.

AVESTA.AZ xəbər verir ki, astroloqlar bildirirlər ki, bu astronomik hadisə bəzi bürclərin həyatında ciddi dəyişikliklərə səbəb ola bilər.

Əqrəb bürcü üçün tutulma daxili transformasiya mərhələsi sayılır. Uzun müddətdir daşıdıqları emosional yükdən azad ola, xüsusilə maliyyə və şəxsi münasibətlər sahəsində güclənə bilərlər.

Şir bürcündə özünəinamın artacağı gözlənilir. Sosial mühitdə daha fəal olmaq, nüfuz qazanmaq və liderlik keyfiyyətlərini ön plana çıxarmaq üçün əlverişli dövr hesab olunur.

Oğlaq bürcü üçün bu tutulma strateji dəyişikliklərlə yadda qala bilər. Xüsusilə karyera və statusla bağlı məsələlərdə irəliləyiş və zəhmətin bəhrəsini görmək imkanı yarana bilər.

Buğa bürcündə isə iş və ailə balansı yenidən qurula bilər. Qarşıdakı həftələrdə düzgün qərarlar mühüm nəticələr vəd edir.

Qoç bürcü üçün tutulma enerji və motivasiya artımı ilə müşayiət oluna bilər. Xüsusilə karyera və şəxsi hədəflər sahəsində daha qətiyyətli addımlar atmaq üçün münasib zamandır.

Astroloqların fikrincə, qarşıdakı 40 günlük dövr bu bürclər üçün yenilənmə və dəyişiklik mərhələsi ola bilər.