"Hətta psixoloq adını daşıyanların içərisində belə bu şiddətin tərəfdarı olanlar oldu. Şiddət göstərən müəllimə bəraət qazandırdılar. Hər bir müəllim özü üçün ayda bir dəfə də olsa psixoloji seansdan keçməlidir. Çünki o, insanlarla işləyir. Şagirdin psixologiyasının təməlində müəllimlərin böyük rolu var. Şiddət göstərən müəllim digər şagirdlərə də şiddət təbliğ edir. Bu müəllimlər müalicə almalıdır. Ola bilər ki, o müəllimin həqiqətən də psixoloji, yaxud ailədəxili problemi var. Müəllimlər özlərinə zaman ayırmırlar məktəbdə dərs deməklə yanaşı, repetitorluqla da edirlər. Dincəlməyə zamanları olmur. Yanma sindromu yaşayırar. Sabah da onun acığını uşaqdan çıxırlar. Bu əsil problemdir".

Bu sözləri Moderator.az -a açıqlamasında tanınmış psixoloq Vəfa Rəşidova son günlər gündəmi zəbt edən bağçada azyaşlı uşağın təzyiqə məruz qalması ilə bağlı danışarkən bildirib:

"Elmlə şiddət yan-yana dayana bilməz. Bir yerdə elm varsa, orda şiddət ola bilməz. Əgər bir yerdə cahillik varsa, şiddət də olacaq. Dinimizdə də şiddət xoş qarşılanmır. Din də şiddətə qarşıdır. Psixologiya da həmçinin şiddətə qarşıdır.

Maarifləndirmə tədbirlərinin nəticəsi yoxdur ki, bu hal baş verir. Bir müəllim şiddət göstərirsə, digər bütün müəllimlərə də valideynlərin inamı itir. Şagirdlərə qarşı şiddət olduqda valideynlər mütləq şəkildə şikayətçi olmalıdırlar. Əgər şikayətçi olmurlarsa, bu belə halların davamlı olmasına gətirib çıxarır. Hansısa müəllimin şiddət göstərməsinə görə tədbir görülsə, şiddətə meyilli olan digər müəllimlər də bunu etməzlər. Bunun da şiddətin qarşısını alınmasında rolu olacaq".