Futbol üzrə dünya çempionatında qrup mərhələsinin ilk turunun oyunları davam edir.

AVESTA.AZ-in məlumatına görə, mundialın üçüncü oyun günündə azarkeşləri dörd maraqlı qarşılaşma gözləyir.

Günün ilk matçı B qrupunda çıxış edən Qətər və İsveçrə yığmaları arasında keçiriləcək. Qarşılaşma Bakı vaxtı ilə saat 23:00-da başlayacaq.

İyunun 14-nə keçən gecə isə C qrupunda Braziliya Mərakeşlə üz-üzə gələcək. Oyun saat 02:00-da start götürəcək. Qrupun digər görüşündə Haiti ilə Şotlandiya yığmaları saat 05:00-da münasibətlərinə aydınlıq gətirəcəklər.

D qrupunun ilk oyununda isə Avstraliya və Türkiyə milliləri qarşılaşacaq. Matç Bakı vaxtı ilə saat 08:00-da başlayacaq.

Dünya çempionatı – I tur

13 iyun

B qrupu

• 23:00. Qətər – İsveçrə

14 iyun

C qrupu

• 02:00. Braziliya – Mərakeş
• 05:00. Haiti – Şotlandiya

D qrupu

• 08:00. Avstraliya – Türkiyə

Qeyd edək ki, dünya çempionatına iyulun 19-da yekun vurulacaq.