Artıq təqaüddə olan 64 yaşlı mühəndis-elektromexanik Bryus Kempbell hər zaman kreativ düşüncəsi ilə seçilib.

 

20 yaşında Orehon ştatının Hillsboro meşələrində 23 min dollara 10 akr torpaq sahəsi əldə edib və orada nə etmək barədə dəqiq təsəvvürü olub. 

 

Avesta.az xəbər verir ki, o, köhnə təyyarəni və böyük torpaq sahəsini Yer üzərində ən unikal evə çevirib.

 

Gənc yaşlarından Kempbelldə köhnə əşyalardan yenisini yaratmaq meyli olub. Yeni torpaq sahəsində bir neçə yük maşınından ev quraşdırmağı planlaşdırıb. Plan kifayət qədər cəsarətli olsa da, Kempbell tikilinin başqa variantının mümkün olduğunu öyrənib.

 

Təxminən 20 ildən sonra bu ideya yarananda o, Missisipidən bərbər qadın Jovanna Asseri haqqında eşidib. Bu qadın Boing-727 təyyarəsini alıb və onu özü üçün evə çevirib. Onun əvvəlki evi yanıb, ona görə də sakit çay sahilində funksional təyyarə quraşdırmağı qərara alıb. Bu olay Kempbelli düçünməyə vadar edib və o, öz planını dəyişmək qərarına gəlib.

 

1999-cu ildə Kempbell Olimpik Eyrveyz şirkətindən dəyəri 100 000 dollar olan Boing-727 təyyarəsini alıb. Bundan sonra nəhəng təyyarəni Orehonun meşələrinə daşımaq lazım idi. Təyyarə Afinada ( Yunanıstan) olduğundan onun nəql edilməsi asan məsələ deyildi. Daşınma xərcləri 120 000 dollara başa gələcəkdi, yəni faktiki olaraq təyyarənin ümumi dəyəri 220 000 dollar təşkil edəcəkdi. Lakin Kempbellə görə bu ideya bu məbləğin hər qəpiyinə dəyərdi.

 

 

Daxildə təyyarədə hər cür şərait var. Təyyarənin bir çox elementləri, məsələn, oturacaqları və tualetləri dəyişməz qalıb.

 

Kempbell buraya qabyuyan maşın və  tas (rakovina) əlavə edib.

 

Boing-727 həyat üçün böyük məkandır,  lakin Kempbell öz mənzilində kifayət qədər sadə yaşayır. O, matras üstündə yatır, mikrodalğalı sobada və tosterdə yemək bişirir, səhər yeməyi üçün əsasən çörək parçaları və konservlərdən istifadə edir, həmçinin öz əlləri ilə çoxsaylı avadanlıq düzəldir.