"İsrail özünü bu cür texnologiya ilə əhatə etmək və hazırda hava təhdidlərinin məhv edilməsi ilə bağlı yüksək xərcləri azaltmaq planının bir hissəsi kimi  lazerlə "ələ keçirən" qurğuların yerləşdirilməsini sürətləndirir".

Avesta xəbər verir ki, bunu ölkənin baş naziri Naftali Bennet deyib.

Daxil olan dronları və ya raketləri tutmaq üçün lazerlərdən istifadə edəcək prototip tutucuların üzərindən  "pərdəni qaldıran" İsrail hərbi rəsmiləri ötən iyun ayında belə sistemlərin 2025-ci ildə hazır olacağını proqnozlaşdırmışdılar. 

Lakin Bennet kəskin şəkildə qısaldılmış bir qrafik elan edib. 

“Bir ildən sonra "İDF" (İsrail Müdafiə Qüvvələri) lazerlə ələ keçirmə sistemini əvvəlcə eksperimental, sonra isə operativ şəkildə əvvəlcə cənubda, sonra isə başqa yerlərdə yerləşdirəcək. Və bu, bizə imkan verəcək ki, İsraili illər ərzində bizi raketlərdən, pilotsuz təyyarələrdən və digər təhdidlərdən qoruyacaq lazer divarı ilə əhatə edək”, - deyə hökumət başçısı Təl-Əviv Universitetinin Milli Təhlükəsizlik Araşdırmaları İnstitutundakı çıxışında bəyan edib. 

Lazer sistemi İsrailin hər biri on minlərlə və milyonlarla dollara başa gələn "tutucu" raketləri buraxan "Dəmir Günbəz", "Davidin sapandı" və

"Ox" sistemlərinə əsaslanan mövcud hava hücumundan müdafiə sistemini tamamlayacaq. 

"Tənlik tərsinə çevriləcək - onlar çox sərmayə qoyacaqlar, biz isə az sərmayə qoyacağıq" -deyib N.Bennet. 

“Bir neçə dollara başa gələn elektrik impulsu ilə raket və ya PUA-ları tuta bilsək, İranın yaratdığı atəş halqasını zərərsizləşdirmiş olacağıq. Bu yeni nəsil hava hücumundan müdafiə sistemi regiondakı  İran və onun əlaltıları tərəfindən ciddi təhlükəyə məruz qalan dostlarımıza da xidmət edə bilər"- deyə İstrail baş naziri vurğulayıb. 

Sultan Laçın