Azərbaycanın xarici işlər naziri Ceyhun Bayramov Qoşulmama Hərəkatının dövlət və hökumət başçılarının Uqandanın Kampala şəhərində keçirilən 19-cu Zirvə görüşü çərçivəsində Maldivin xarici işlər naziri Musa Zameer ilə görüşüb.

XİN-dən "AVESTA.AZ"a verilən məlumata görə, görüş zamanı tərəflər iki ölkə arasında ikitərəfli münasibətlərin daha da inkişaf etdirilməsinin əhəmiyyətini qeyd edərək, yüksək səviyyəli səfərlərin həyata keçirilməsinin vacibliyini vurğulayıblar.

Bu il ölkədə keçiriləcək BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasının (COP29) ikitərəfli və çoxtərəfli əməkdaşlığın daha da inkişafı üçün əhəmiyyətli olduğu vurğulanıb.

Maldivin xarici işlər naziri ölkəni Qoşulmama Hərəkatında uğurlu sədrliyinə görə təbriklərini çatdırıb, troyka üzvü kimi Azərbaycanın Hərəkatın daha da güclənməsi üçün səylərini əsirgəməyəcəyinə əmin olduğunu bildirib. İki ölkə arasında turizm, hava nəqliyyatı, təhsil, və digər humanitar sahələrdə əməkdaşlığın inkişafının əhəmiyyətini vurğulayıb.

Görüş zamanı həmçinin qarşılıqlı maraq doğuran digər ikitərəfli və regional məsələlər müzakirə olunub.

Azərbaycanın xarici işlər naziri Ceyhun Bayramov Uqandaya işgüzar səfəri çərçivəsində Maldiv adalarından olan xarici siyasət idarəsinin rəhbəri Mosa Zamerlə görüşüb.

“AVESTA.AZ” xəbər verir ki, bu barədə Azərbaycan Xarici İşlər Nazirliyindən bildirilib.

Qeyd olunub ki, görüş zamanı ikitərəfli münasibətlər müzakirə olunub.

Həmçinin BMT, Qoşulmama Hərəkatı və İslam Əməkdaşlıq Təşkilatı daxil olmaqla regional və beynəlxalq təşkilatlar çərçivəsində əməkdaşlığın perspektivləri barədə danışılıb.

FM of #Azerbaijan @Bayramov_Jeyhun met with the FM of #Maldives @MoosaZameer on the sidelines of his working visit to #Uganda. Prospects of bilateral relations between - and cooperation within regional and international organizations including UN, NAM, and OIC were discussed… pic.twitter.com/2SGnXpIbfH

— MFA Azerbaijan (@AzerbaijanMFA) January 19, 2024