Argentinanın Tukuman əyalətindəki özəl xəstəxanada azı altı nəfər mənşəyi məlum olmayan kəskin pnevmoniyaya yoluxub.

“Report” xəbər verir ki, bu barədə “Todo Noticias” nəşri məlumat yayıb.

Qeyd edilir ki, tibb müəssisəsinin beş əməkdaşı və bir pasiyent xəstələnib. İndiyədək bir nəfər ölüb, qalanların vəziyyəti ağırdır.

Mütəxəssislərin xəstəliyin səbəbini müəyyən edə bilmədiyi qeyd olunur. Qeyd edilir ki, onların koronavirus, qrip, soyuqdəymə, 25 növ bakteriya üçün testlər neqativ çıxıb.