Rusiya Prezidenti Vladimir Putin Özbəkistanda keçirdiyi mətbuat konfransında Ukrayna Prezidenti Volodimir Zelenski ilə mümkün görüşdən danışıb.

Bu barədə “AVESTA.AZ” xarici mətbuata istinadən xəbər verir.

“O (Türkiyə Prezidenti Rəcəb Tayyib Ərdoğan -red.) Prezident Zelenski ilə görüşün hansısa müsbət nəticəyə gətirib çıxara biləcəyinə inanaraq görüş təklif edir”, - Putin bildirib.

Rusiya Prezidentinin sözlərinə görə, görüş üçün zəruri olan ilk şərt rəsmi Kiyevin razılığıdır.

"Ancaq onlar imtina edirlər! Zelenski elan etdi! O, açıq şəkildə - bilmirəm harada, amma açıq şəkildə - hazır olmadığını və Rusiya ilə danışmaq istəmədiyini söylədi", - Putin əlavə edib.