Myanmada baş verən zəlzələ nəticəsində ölənlərin sayı 1000-i keçib.

BAKU.WS xəbər verir ki, ölənlərin sayı 1002 nəfərə, yaralıların sayı isə 2376 nəfərə çatıb.

BBC-nin məlumatına görə, ən çox zərərçəkənlər Mandalay şəhərində qeydə alınıb. Azı 30 nəfər itkin düşüb, dağıntılar altında qalanların sayı isə hələ dəqiqləşdirilir.

Hazırda Myanma və Taylandda xilasedicilər axtarış-xilasetmə işlərini davam etdirir. Fəlakət bölgəsində vəziyyətin daha da pisləşməməsi üçün təcili yardımlar səfərbər edilib.

***08:55

Myanmada baş verən güclü zəlzələ nəticəsində ölənlərin sayı 694-ə çatıb, 1 670 nəfər isə müxtəlif dərəcəli xəsarətlər alıb.

BAKU.WS xəbər verir ki, bu barədə "Agence France-Presse" agentliyi xəbər yayıb.

Qeyd edək ki, martın 28-də qeydə alınan yeraltı təkanlar demək olar ki, ölkənin bütün ərazisində dağıntılara səbəb olub. Hadisə şahidlərinin sözlərinə görə, bir çox yaşayış və inzibati binalar, eləcə də xəstəxanalar uçub.