2025-ci ilin ilk üç ayında Türkiyənin sənət aləmində bir çox məşhur son mənzilə yola salındı. Onların vəfatı hər kəsə dərin kədər hissi yaşatdı. Bir-birinin ardınca vəfat edən məşhurların dəfni də yaşadıqları həyat qədər gündəm olub çox danışıldı. 

BAKU.WS Türkiyədə 3 ay ərzində vəfat edən həmin məşhurların siyahısını təqdim edir:

2025-ci il qədəm qoyduqdan bir gün sonra sevilən müğənni Ferdi Tayfur vəfat etdi. O 79 yaşında müalicə aldığı xəstəxanada dünyasını dəyişdi. 

"Yaprak Dökümü" serialını Nehiri Bedia Ener isə yanvarın 14-də vəfat etdi. Aktrisanın vəfat xəbərini oğlu sosial şəbəkədə "Sağolun... Mən bir mələk oldum" sözləri ilə qeyd etdi. 

Teatr və kino aktyoru Sezai Altekin isə 79 yaşında dünyasını dəyişdi. O yanvarın 31-də vəfat etdi. Sezai həm də dublyaj aktyoru kimi məşhurlaşmışdı. 

Türk sənət musiqisinin sevilən ifaçılarından olan Kahtalı Mıçe fevralın 15-də vəfat etdi. O 72 yaşında müalicə aldığı xəstəxanada dünyasını dəyişdi. 

"Çocuklar Duymasın" serialının məşhur aktyoru Emin Gümüşkaya isə fevralın 18-də vəfat etdi. O ekran işində "Seyyar Tayyar" obrazına həyat verirdi. Bundan başqa aktyor "Arka sıradakiler", "En son babalar duyar", "Tatlı hayat", "Koçum benim", "Büyük buluşma", "Yalancı romantik", "Uygun adım aşk", "Seksenler", "Hıçkırık" və "Yeşil deniz" kimi seriallarda da rol alıb.

Müğənni Edip Akbayram da 75 yaşında dünyasını dəyişdi. Haydarpaşa Nümunə Təhsil və Araşdırma Xəstəxanasında müalicə alan sənətçinin həyatını xilas etmək mümkün olmadı. O "Aldırma gönül", "Hasretinle yandı gönlüm", "Gittin-gideli", "Güzel günler göreceğiz" kimi mahnılarla sevilirdi. 

51 yaşlı Aktyor  Şinasi Yurtsever də mədə xərçəngindən dünyasını dəyişdi. Onun  ölüm xəbərini həmkarı Zafer Algöz yaydı. Şinasi Zincirlikuyu məzarlığında dəfn olunub. O "Kardeş payı", "Düğün dernek", "Çalgı çengi", "Hokkabaz", "Avrupa yakası" kimi məşhur layihələrdə rol almışdı.

Rəqqasə Tanyeli 2.5 il idi ki, xərçəngdən əziyyət çəkirdi. O martın 17-də elə müalicə aldığı xəstəxanada vəfat etdi. 54 yaşlı rəqqasənin vəfatı onu sevənləri və həmkarlarını yasa boğdu. 

"Kurtlar Vadisi", "Acı Hayat", "Deli Yürek" və "Ekmek Teknesi" kimi sevilən ekran işlərinin rejissoru Osman Sınav, isə martın 20-də dünyasını dəyişdi. Onun 69 yaşı var idi. Rejissorun dəfninə çəkdiyi seriallarda rol alan məşhur aktyorlar axın etdi. 

"Yeşilçam"ın əfsanəvi aktrisalarından Filiz Akın da bu ilin ilk üç ayında vəfat edən məşhurları sırasındadır. O martın 22-də vəfat etdi və vəsiyyətinə uyğun olaraq səssiz-sədasız dəfn edildi. 

Mərhum müğənni Volkan Konak ötən gün KKTC-də verdiyi konsert zamanı səhnədə vəfat etdi. Həkimlərin müdaxiləsinə baxmayaraq onun həyatını xilas etmək mümkün olmadı. Sənətçinin 58 yaşı var idi. O doğulduğu qəsəbədə 50-dən çox şagirdin pulsuz Ali təhsil almağını təmin edirdi.