"Knot"s Landing" serialındakı Linda Fairgate rolu ilə tanınan amerikalı aktrisa Lar Park Linkoln 63 yaşında vəfat edib.

BAKU.WS xəbər verir ki, acı xəbəri aktrisanın qurucusu olduğu Dallas mərkəzli Actors Audition Studios açıqlayıb. Ölüm səbəbi ilə bağlı rəsmi məlumat verilməyib.

Qeyd edək ki, Linkoln 45 illik Hollivud karyerası boyunca həm televiziya ekranlarında, həm də kino sahəsində uğurlu çıxışları ilə yadda qalıb. O, xüsusilə "Knot"s Landing" serialında canlandırdığı Linda Fairgate və "Friday the 13th Part VII: The New Blood" filmindəki Tina Shepard obrazları ilə tanınıb. Aktrisa eyni zamanda aktyor mentorluğu sahəsində də fəaliyyət göstərirdi.

The Hollywood Reporterın məlumatına görə, Linkoln bir müddət əvvəl döş xərçəngi ilə mübarizə aparıb. Lakin ölümünün bu xəstəliklə əlaqəli olub-olmadığı açıqlanmayıb.

Qeyd edək ki, Lar Park Linkoln 2015-ci ilin sonunda 14 illik həyat yoldaşı Maykeli də xərçəng səbəbilə itirmişdi. Bundan əlavə, aktyoranın valideynləri Cek və Marjori Deyl, həmçinin qardaşları Cek C. və Pet də ondan əvvəl dünyasını dəyişib.