Yay aylarının yaxınlaşması ilə kondisionerlərə olan tələbat da artır. Sakinlər ev və ofislərdə sərin hava əldə etmək üçün bu cihazlardan istifadə etsələr də, bir çoxları bu vərdişin sağlamlığa və ətraf mühitə təsiri barədə suallar verir. Bəs görəsən, isti havada kondisioner işlətmək zərərlidirmi?

AVESTA.AZ xəbər verir ki, isti havada kondisioner işlətmək birbaşa olaraq ziyanlı deyil, amma düzgün istifadə edilmədikdə bir sıra sağlamlıq və ətraf mühit problemlərinə səbəb ola bilər.

Belə ki, yay aylarında düzgün istifadə edilən kondisionerlər bədəni yüklənmədən qoruyur. İsti hava ürək-damar sisteminə əlavə yük salır. Kondisioner bu yükü azaldaraq istilikdən yaranan halsızlıq, başgicəllənmə və istivurma riskini azaldır.

Həmçinin yuxu keyfiyyətini yaxşılaşdırır. Yüksək temperatur yuxuya getməni çətinləşdirir. Sərin otaq daha dərin və keyfiyyətli yuxu təmin edə bilər.   Zərərlərə gəldikdə isə, burada ilk növbədə temperatur fərqi nəzərə çarpır. Əgər çöldəki hava ilə kondisionerli otağın havası arasında temperatur fərqi çox olarsa isti havadan birdən-birə sərin otağa keçmək bədənə stres yaradır. Bu, həm də soyuqdəymə, əzələ tutulmaları və hətta pnevmoniyaya səbəb ola bilər.   Bundan başqa, kondisionerin filtiri çirkli olarsa, hava keyfiyyəti pisləşir, toz, kif və bakteriyalar tənəffüs yolu infeksiyalarına səbəb ola bilər.   Həddindən artıq sərinlik zamanı burun və boğazın selikli qişaları quruyur, bu da viruslara qarşı müqaviməti azaldır., göz quruluğu və baş ağrıları yarana bilər. İnsanlar kondisionerli mühitə çox bağlanaraq fiziki aktivlikdən uzaqlaşır.   Kondisioner düzgün şəkildə – yəni orta temperaturda (24–26°C), təmiz və qısa fasilələrlə işlədilərsə, ziyansızdır və hətta faydalıdır. Ancaq həddindən artıq istifadə və baxımsızlıq sağlamlığa ciddi ziyan vura bilər.