Misli Premyer Liqasının VII turuna yekun vurulub.

AVESTA.AZ xəbər verir ki, turun son oyununda "Şamaxı" səfərdə "Qəbələ"ni 1:0 hesabı ilə məğlub edib.

Qonaqların qələbə qolunu 7-ci dəqiqədə penaltidən Rikardo Apolinario vurub. Bu nəticə ilə "Şamaxı" 9 xalla 7-ci, "Qəbələ" isə 4 xalla 11-ci pillədə qərarlaşıb.

Günün digər qarşılaşmasında "Sabah" səfərdə "Karvan-Yevlax"ı 2:0 hesabı ilə üstələyib. Qolları Coy-Lens Mikels (pen. 31) və Kahim Parris (37) vurublar.

Qeyd edək ki, turun əvvəlki oyunlarında "Araz-Naxçıvan" "İmişli"ni 2:0, "Qarabağ" "Kəpəz"i 1:0, "Turan Tovuz" "Sumqayıt"ı 3:0 hesabı ilə məğlub edib. "Zirə" və "Neftçi" isə 2:2 hesabı ilə heç-heçə oynayıb.