Türkiyədə narkotik əməliyyatlar çərçivəsində saxlanılan daha sonra sərbəst buraxılan aktrisa Ezgi Eyüboğlu ilk açıqlamanı verib.

BAKU.WS xəbər verir ki, o sosial şəbəkədə status paylaşaraq haqqındakı ittihamları rədd edib.

"İctimaiyyətin diqqətinə!

Bu gün keçirilən əməliyyat zamanı qonşum və dostum olan bir şəxsin evində olarkən saxlanıldım və prokurorluqda ifadəm alındıqdan sonra sərbəst buraxıldım.

Haqqımda yayılan xəbərlərdə yer alan bütün iddialar əsassızdır.

Zəruri hesab edildiyi təqdirdə vəkilim proseslə bağlı açıqlama verəcək- deyə, aktrisa bildirib.

***

İstanbul Baş Prokurorluğu tərəfindən məşhur adları hədəf alan narkotik əməliyyatı zamanı saxlanılan aktrisa Ezgi Eyüboğlu sərbəst buraxılıb.

BAKU.WS xəbər verir ki, aktrisa sərbəst buraxılsa da, onunla birlikdə saxlanılan 7 nəfərin hələ ki, tibbi ekspertizası davam edir.

Əməliyyat nəticəsində aktrisa Ezgi Eyüboğlu da daxil olmaqla 7 nəfər saxlanılıb.

Saxlanılan şəxslər Eser Küçükerol və İsmail Ahmet Akçay - "Narkotik və ya stimullaşdırıcı maddələrin istehsalı və ticarəti"ndə, Saadet Ezgi Eyüboğlu - "Narkotik maddələrin istifadəsi üçün alınması"nda, Yiğit Macit, Mehmet Ali Gül, Gizem Türedi və Mehmet Güçlü - "Fahişəliyə təhrik etmək və asanlaşdırmaq"da ittiham edilirlər.

Qeyd edək ki, iki gün əvvəl İstanbul Baş Prokurorluğu tərəfindən "istifadə məqsədilə narkotik və ya psixotrop maddə almaq, qəbul etmək və ya saxlamaq" yaxud "narkotik və ya psixotrop maddə istifadə etmək" ittihamları ilə aparılan istintaq çərçivəsində 10 tanınmış şəxs barəsində saxlanılma qərarı çıxarılıb.

Melisa Döngel, Yusuf Güney və Cihan Şenözlü isə ünvanlarında tapılmamışdı. Saxlanılan Aleyna Tilki, İrem Sak, Danla Biliç və Mümine Senna Yıldızdan saç nümunələri götürüldükdən sonra dünən axşam sərbəst buraxılıb. Daha sonra isə Ezgi Eyüboğlu da daxil olmaqla səkkiz nəfər saxlanılmışdı.