İsrail Ordusunun Mətbuat xidməti İran ərazisindən ölkəyə doğru yeni raket yaylım atəşlərinin açıldığını açıqlayıb.

BAKU.WS xəbər verir ki, rəsmi məlumatda əhaliyə növbəti bildirişədək sığınacaqlarda və təhlükəsiz məkanlarda qalmaq tövsiyə olunub.

Bildirilib ki, hava hücumundan müdafiə sistemləri hədəfləri aşkarlayaraq zərərsizləşdirməyə çalışır.

Eyni zamanda İranın İslam İnqilabı Keşikçiləri Korpusu (SEPAH) altıncı hücum dalğasının həyata keçirildiyini bəyan edib. Qurumun açıqlamasına görə, əməliyyatlar çərçivəsində raket və pilotsuz uçuş aparatlarından istifadə olunub. Hədəflər sırasında ABŞ-nin bölgədə yerləşən bir sıra hərbi bazaları, həmçinin İsrail Ordusunun qərargah obyektləri və Tel-Əvivdəki müdafiə sənayesi infrastrukturu göstərilib.

SEPAH daha əvvəl bu hücumları İranın ali dini lideri Ayətullah Əli Xameneinin öldürülməsinə cavab kimi qiymətləndirmiş və "ən güclü əməliyyat" elan etdiyini bildirmişdi. Xameneinin həlak olması dövlət mediası tərəfindən təsdiqlənmiş, İran rəhbərliyi isə məsul şəxslərin cəzalandırılacağını açıqlamışdı.

Beləliklə, qarşılıqlı zərbələr fonunda regionda hərbi qarşıdurmanın miqyası daha da genişlənir.