Telegram 5 may tarixində ümumilikdə 103 mindən çox qrup və kanalı bloklayıb.

BAKU.WS xəbər verir ki, bir gün ərzində 103 259 qrup və kanal "qara siyahıya" salınıb. Bu göstərici mayın 1-də qeydə alınan 107 minlik rəqəmdən sonra yenidən 100 min həddini keçib.

Bildirilir ki, may ayının əvvəlindən bu günədək ümumilikdə təxminən 386 min qrup və kanal bloklanıb. Onlardan 914-ü "terrorizmlə əlaqəli" kimi qeyd edilib.

Rəsmi statistikaya əsasən, ilin əvvəlindən bəri Telegram tərəfindən bağlanan qrup və kanalların ümumi sayı 14 milyonu ötüb, onların 67 mindən çoxu isə terrorla əlaqəli fəaliyyətlə əlaqələndirilib.

Qeyd olunur ki, bu cür kütləvi bloklamalar platformada təhlükəsizlik və qayda pozuntularının qarşısının alınması məqsədilə həyata keçirilir.