Beş hektarlıq ərazidə yerləşən Hərbi Qənimətlər Parkında 300-dən çox eksponat və 150-yə yaxın ağır texnika nümayiş etdirilir.

Ərazidə həmçinin 30 il ərzində qurulmuş müdafiə istehkamlarının nümunələri yaradılıb.

Parkın yaradılması ideyası Vətən müharibəsindən sonra irəli sürülüb. 2020-ci il noyabrın 11-də qənimət götürülmüş və məhv edilmiş hərbi texnikanın gələcəkdə nümayiş etdirilməsi ilə bağlı təşəbbüs irəli sürülüb.

Park 2021-ci il aprelin 12-də istifadəyə verilib. Açıq səma altında yaradılan parkda "T-72" tankları, piyada döyüş maşınları, artilleriya qurğuları, 2S1 "Qvozdika" özüyeriyən artilleriya qurğuları, "Osa" və "Kub" zenit-raket kompleksləri nümayiş etdirilir.

Parkda "İsgəndər-M" raketinin qalıqları da saxlanılır. Tapılan qalıqların "9M723" raketinə aid olduğu müəyyən edilib. Ərazidə mərmi yeşiklərindən hazırlanmış oturacaqlar, mərmi ərintilərindən işıqlandırma konstruksiyaları və tank mərmisinin qılaflarından hazırlanmış tullantı qabları da yerləşdirilib.

Daha ətraflı Baku TV-nin videomaterialında: