
Yəməndə husilərlə hökumət qüvvələri arasında gərginlik artır. Husilərin beynəlxalq səviyyədə tanınan hökumətin müvəqqəti qərargahı hesab edilən Ədən şəhərinə doğru irəlilədiyi bildirilir. Silahlı qruplaşmanın mövqelərinin şəhərdən təxminən 50 kilometr aralıda olduğu qeyd olunur.
BAKU.WS xəbər verir ki, bu barədə ərəb mediası məlumat yayıb.
Məlumata əsasən, Yəmən hökuməti mümkün hücumun qarşısını almaq və Ədənin müdafiəsini möhkəmləndirmək üçün ölkənin müxtəlif bölgələrindən əlavə hərbi qüvvələr toplamağa başlayıb. "Əl-Cəzirə" telekanalının məlumatına görə, Bab əl-Məndəb boğazı ətrafında yerləşən ərazilərdəki hökumət qüvvələrinin də başqa istiqamətlərə köçürülməsi nəzərdə tutulur.
Husilər isə hökumət qüvvələrinin mövqelərini tərk etməsindən sonra Qırmızı dəniz sahilindəki bir sıra ərazilərə nəzarəti ələ keçirdiklərini açıqlayıblar.
© 2021 AVESTA.AZ BÜTÜN HÜQUQLAR QORUNUR.
Sayt Ülvi Məmmədov tərəfindən yığılıb.