ABŞ dövlət katibi Entoni Blinken fevralın 16-dan 22-dək Almaniya, Türkiyə və Yunanıstana səfər edəcək.

“Report” xəbər verir ki, bu barədə ABŞ Dövlət Departamenti məlumat yayıb.

Qeyd olunub ki, Blinken fevralın 16-da Münhen Təhlükəsizlik Konfransında iştirak etməyi planlaşdırır.

Daha sonra diplomat zəlzələdən sonra amerikalı mütəxəssislərin səylərini müşahidə etmək üçün fevralın 19-da Türkiyənin İncirlik aviabazasına gedəcək.

Yunanıstana səfərində dövlət katibi ölkənin baş naziri, xarici işlər naziri və müxalifət lideri ilə danışıqlar aparacaq.