“Azərbaycan və Türkiyə arasında xüsusilə hava hücumundan müdafiə sənayesi sahəsində əməkdaşlıq daha da artır və bundan çox məmnunuq”.

Bunu “Report”un Türkiyə bürosuna açıqlamasında Türkiyə Prezidenti yanında Təhlükəsizlik və Xarici Siyasət Şurasının üzvü, Yedditəpə Universitetinin professoru Mesut Hakkı Çaşın bildirib.

O, İstanbulda keçirilən “IDEF-23” 16-cı Beynəlxalq Müdafiə Sənayesi Sərgisində yer alan Azərbaycan stendini ziyarət edib.

Türkiyə Prezidenti yanında Təhlükəsizlik və Xarici Siyasət Şurasının üzvü vurğulayıb ki, Azərbaycanın müdafiə sənayesi hər keçən gün daha yaxşı inkişaf edir.

M.H.Çaşın deyib ki, stenddə nümayiş olunan məhsullarla tanış olub və Azərbaycanın müdafiə sənayesi sahəsində uğurlarını, xüsusilə də bu sahədə Azərbaycanla Türkiyənin birgə istehsalını təqdir edir.