“Amerika Birləşmiş Ştatları BMT Təhlükəsizlik Şurasının üzvlərinin və dünya təşkilatına daxil olan bütün ölkələrin mütləq əksəriyyətinin razılığı olmadan onun islahatlarını həyata keçirə bilməyəcək”.

“Report”un məlumatına görə, bu barədə Rusiyanın BMT-dəki daimi nümayəndəsinin birinci müavini Dmitri Polyanski bildirib.

“Amerikalılar çox yaxşı başa düşürlər, ciddi müsahibələrində də etiraf edirlər ki, onların Təhlükəsizlik Şurasının üzvlərinin, ilk növbədə daimi üzvlərin və prinsipcə BMT-nin mütləq əksəriyyətinin razılığı olmadan Təhlükəsizlik Şurasında islahatlar aparmaq rıçaqları yoxdur.

Bu qərar bütün ölkələr tərəfindən ratifikasiya edilməlidir. Bəzi ölkələr bu prosesdən yan keçərsə, bu, təşkilatın parçalanmasına gətirib çıxaracaq”-deyə, o bildirib.