Humanitar yardım daşıyan 20 yük maşını Misirdən “Rəfah” sərhəd-keçid məntəqəsindən keçərək Qəzza zolağına gedib.

“Report” xəbər verir ki, bunu BMT Baş katibinin rəsmi nümayəndəsi Stefan Düjarrik brifinqdə söyləyib.

“Humanitar təşkilatlardan olan həmkarlarımız bu gün 20 yük maşınının “Rəfah” sərhəd-keçid məntəqəsindən keçərək Misirdən Qəzza zolağına yola düşdüyünü bildirdilər”

Onun sözlərinə görə, humanitar yardım konvoylarının göndərilməsindən cəmi üç gün ərzində 54 yük maşını Qəzza zolağına yollanıb: “Bu, okeanda bir damladır. Məncə, hər gün Qəzza zolağına adətən təxminən 450 yük maşını gedirdi”.