Azərbaycan Avtomobil Yolları Dövlət Agentliyi Bakının Suraxanı rayonunun Hövsan qəsəbəsində Məktəbli küçəsinin məhəllədaxili yollarında əsaslı təmir işləri aparır.

“AVESTA.AZ” xəbər verir ki, bu barədə Agentlik məlumat yayıb.

Məlumata görə, uzunluğu 1 300 metr, eni ortalama 6 metr təşkil edən küçədə aparılan yenidənqurma işləri çərçivəsində zəruri olan yerlərdə yararsız qrunt qazılaraq çıxarılıb, əks-dolğu işləri icra olunub, yeni yol yatağının və küçənin profilə salınması işləri görülüb.

Hazırda ərazidə yeni asfalt-beton örtüyünün döşənməsi işləri icra olunur.

“İnvestisiya Proqramına”na əsasən, cari il ərzində Hövsan qəsəbəsi ərazisində ümumi uzunluğu 4,5 kilometr təşkil edən küçənin təmiri nəzərdə tutulub.