Nazirlər Kabinetinin 2026-cı il 4 may tarixli 128 nömrəli qərarı ilə təsdiq edilmiş "İstilik enerjisindən istifadə qaydaları"na əsasən iqlim şəraiti fərqli olan 26 rayon və şəhərdə istilik mövsümü noyabrın 1-dən, Bakıda və digər ərazilərdə isə noyabrın 15-dən başlayır.

BAKU.WS xəbər verir ki, bunu AZƏRTAC-a müsahibəsi zamanı "Azəristiliktəchizat" ASC-nin sədri İlham Mirzəliyev deyib.

İstilik mövsümünə daha tez başlanılan rayonların sayı xeyli artırıldı

O bildirib ki, əvvəlki illərdə istilik mövsümünün noyabrın 1-dən başlanması nəzərdə tutulan şəhər və rayonların sayı cəmi 9 ədəd olub və qeyd edilən 26 rayondan 18-də "Azəristiliktəchizat" ASC-nin xidmət sahələri fəaliyyət göstərir.