“Bu yaxınlarda həyata keçirilən “Qisas” əməliyyatı bir daha göstərib ki, Azərbaycan Ordusu istənilən ərazini geri qaytara bilər. Odur ki, erməni tərəfinin azərbaycanlılarla danışıqlar aparması daha yaxşıdır”.

Bu fikirləri “Report”un Rusiya bürosuna açıqlamasında rusiyalı politoloq, Siyasi Araşdırmalar İnstitutunun direktor müavini Daria Qrevtsova deyib.

Ekspertin sözlərinə görə, Ermənistan Laçın dəhlizinə alternativ yolun tikintisi başa çatdıqdan sonra üçtərəfli razılaşmanın altıncı müddəasını yerinə yetirib: “Belə ki, 2020-ci il noyabrın 10-da imzalanmış üçtərəfli bəyanata əsasən ermənilər Laçın şəhərini tərk etməli idilər. Azərbaycan isə öz növbəsində, onların gediş-gəlişi üçün alternativ yol çəkib. Buna görə də ermənilər bu şəhərdən çıxdılar”