Avropa Şurası Parlament Assambleyasında (AŞPA) Azərbaycan nümayəndə heyətinin səlahiyyətlərinin mübahisələndirilməsi təşkilatın özü üçün müsbət nəticələr verməyəcək.

Bunu "Report"a açıqlamasında Ukraynanın AŞPA-dakı nümayəndə heyətinin üzvü, deputat Aleksey Qonçarenko deyib.

“Mən şəxsən Assambleyada bu qərarı dəstəkləmədim”, - o bildirib.

Deputat bildirib ki, qərar əvvəlcə monitorinq komitəsi tərəfindən veriləcək, sonda isə Assambleyanın iclasında təsdiqlənəcək: "Azərbaycana qarşı əsas arqument ölkənin fevralın 7-nə təyin edilmiş prezident seçkilərini müşahidə etmək üçün bu qurumdan missiya dəvət etməməsidir".

Onun sözlərinə görə, vəziyyətin nəticəsini proqnozlaşdırmaq kifayət qədər çətindir: “Vəziyyət doğrudan da sadə deyil”.