Rusiyanın Moskva vilayətinin Ramenskoye rayonuna dron hücumu nəticəsində bir nəfər ölüb, daha bir nəfər isə yaralanıb.

“AVESTA.AZ” xəbər verir ki, bu barədə regionun qubernatoru Andrey Vorobyov teleqramda bildirib.

“Gecə PUA-nın hücumu zamanı Ramenskoyedə yaşayış binalarına ziyan dəyib. Sportivnı döngəsində 11-12-ci mərtəbədəki mənzillər yanır <…> Hazırda yanğınsöndürənlər yanğını söndürürlər. Evin yanında təcili yardım briqadaları və reanimasiyalar növbə çəkir. Təəssüf ki, 9 yaşlı uşaq ölüb. <...> Bir nəfər xəsarət alıb”, – məmur sosial şəbəkədə yazıb.

O əlavə edib ki, gecə saatlarında hava hücumundan müdafiə sistemləri Podolsk, Ramenskoye, Lyubertsı, Domodedovo və Kolomna rayonlarında 14 pilotsuz uçan aparatı vurub.

Bunda başqa, yerli mətbuatda paytaxtı Jukovski hava limanının üzərində dronun vurulduğuna dair məlumat yer alıb. Sosial şəbəkədə yayılan görüntülərə əsasən, pilotsuz uçuş aparatı aeroportun ərazisinə düşüb.

Moskva vilayətinin Ramenskoye rayonunda dronun iki çoxmərtəbəli yaşayış binasına çırpılması yanğına səbəb olub.

“AVESTA.AZ” xəbər verir ki, bu barədə Kremlə yaxın “Mash” teleqram kanalı məlumat yayıb.

“Ukrayna Silahlı Qüvvələrinə məxsus dron Ramenskoyedə yaşayış binasının 11-ci mərtəbəsindəki mənzilə çırpılıb. Hadisədən sonra yanğın başlayıb”, – məlumatda qeyd olunub. Mənbə sonradan yanğının 12-ci mərtəbəyə keçdiyini bildirib.

Bir neçə dəqiqə sonra eyni rayonda analoji hadisə baş verib. Bu dəfə bir başqa binanın 12-ci mərtəbəsində yanğın başlayıb:

“Fabriçnaya küçəsində yerləşən binanın 12-ci mərtəbəsi yanır”.

Hadisədə ölən və yaralananların olduğu hələlik məlum deyil.