Yay aylarında bədən daha çox su itirir, istilik metabolizmanı sürətləndirir və orqanizmin təmizlənməsinə ehtiyac artır. Ona görə bu fəsildə yüngül, sulu, təravətləndirici və vitaminlə zəngin qidalar ön planda olmalıdır.

BAKU.WS yayda nütəxəssislər tərəfindən ən çox tövsiyə olunan sağlam qidaları təqdim edir:

1. Təzə tərəvəzlər

Pomidor, xiyar, bibər, badımcan, balqabaq kimi məhsullar su ilə zəngindirlər, bədəni sərin saxlayır. Onlar antioksidant və lif baxımından faydalıdır.

2. Su ilə zəngin meyvələr

Qarpız, yemiş, şaftalı, ərik, gilas, çiyələk isə orqanizmi nəmləndirir, təbii şəkərlə enerji verir. Tərkibində C vitamini və kalium var.

3. Yaşıl yarpaqlı tərəvəzlər

İspanaq, kəvər, cəfəri, kahı qaraciyərin detoksuna yardım edir, təravət verir.

4. Qatıq və ayran

Qatıq və ayran həzm sistemini tənzimləyir. Probiotiklərlə immuniteti gücləndirir. İsti havada duz balansını qorumağa kömək edir.

5. Yüngül zülal mənbələri

Balıq, toyuq filesi, yumurta isə ağır yeməklərə nisbətən daha asan həzm olunur.

6. Paxlalılar və mərcimək salatları

Bitki mənşəli zülal mənbəyidir. Uzun müddət toxluq hissi verir.

7. Təbii sərin içkilər

Sarımsaqlı ayran, nanəli limonad, kokos suyu, evdə hazırlanmış kompotlar qazlı və şəkərli içkilərin əvəzinə daha faydalıdır.