Türkiyədə "Magazin Bahane" verilişinin bu həftəki buraxılışı sənət dünyasının pərdəarxası hekayəsini araşdırıb.

AVESTA.AZ "axşam.az"a istinadən xəbər verir ki, Hakan Solaker və jurnalist Burhan Akdağ "Kim kimə mane oldu" sualını müzakirə ediblər.

Söhbət zamanı türk klassik musiqisinin iki nəhəngi Bülent Ersoy və Zeki Müren arasındakı rəqabət gündəmə gətirilib. Uzun müddətdir davam edən "Zeki Müren Bülent Ersoyun yolunu kəsdi" iddiaları müzakirə olunarkən Burhan Akdağ Mürenin heç vaxt heç bir sənətçinin karyerasına qəsdən əngəl törətmədiyini bildirib.

Burhan Akdağ İbrahim Tatlısəslə bağlı "İbrahim Tatlıses Türkiyədə kəsilən zaman tək silah olduğunu düşünürəm. O, hər kəsin yolunu kəsir" deyərək təəccüblü iddia irəli sürüb. Hakan Solaker "Hər kəsin yolunu kəsir, mərhəməti yoxdur, qardaş-bacı dinləmir" deyərək bu şərhi dəstəkləyib. Akdağ iddiasını Tatlısesin qardaşı Hüseyn Tatlı, Mahsun Kırmızıgül, Derya Tuna və şərqli müğənni Asenadan nümunələrlə gücləndirib.

Müzakirələr davam etdikcə diqqət Tatlısəsin xəstəliyi zamanı gündəmə gələn gənc iranlı sənətçi Seccad Mehmediyə yönəlib.. Burhan Akdağ, Seccadın səsinin Tatlısesə çox oxşadığını qeyd edərək, "Seccadın səsindən istifadə edib İbrahimin mahnılarını oxutduracaqdılar. İbrahim Tatlıses oxuyurmuş kimi albom hazırlanacaqdı. Tamamilə saxta bir layihə idi" deyib. Lakin o, bu layihənin reallaşmadığını bildirib. İbrahim Tatlısəsin də səsi özünə oxşayan Seccadın yolunu kəsdiyi iddia edilib.