Serbiya prezidenti Aleksandar Vuçic ölkəsinin nüvə silahı hazırlaması ilə bağlı iddiaları sərt şəkildə rədd edib və bunu "tamamilə cəfəngiyat" adlandırıb.

BAKU.WS xəbər verir ki, məsələ Rusiyanın Rosatom şirkətinin Serbiyaya radioaktiv izotoplar tədarük edəcəyi barədə açıqlamasından sonra gündəmə gəlib. Bosniya mediası bu addımın guya "nüvə proqramı" ilə bağlı ola biləcəyini iddia edib.

Vuçiç bildirib ki, gətiriləcək izotoplar sənaye sahələrində istifadə edilən dağıdıcı olmayan yoxlamalar üçün nəzərdə tutulub. Onun sözlərinə görə, bu materiallar həm də elmi və tibbi məqsədlərlə tətbiq olunacaq.

Prezident əlavə edib ki, Vinsa Nuclear Sciences Institute mütəxəssisləri bu sahədə, o cümlədən farmakologiya istiqamətində işləyəcəklər.

Vuçiç sosial şəbəkələrdə yayılan iddiaları tənqid edərək qeyd edib ki, bu cür məlumatlar reallığı əks etdirmir.