Kanadada keçirilən yeni sorğu ölkə vətəndaşlarının ABŞ-nin siyasətindən ciddi narahatlıq duyduğunu ortaya qoyub.

AVESTA.AZ xəbər verir ki, Kanadanın "Abacus Data" araşdırma şirkətinin açıqladığı nəticələrə görə, respondentlərin 80%-i ABŞ-ın yanlış istiqamətdə irəlilədiyini düşünür. Yalnız 14% ABŞ-ın düzgün yolda olduğunu bildirib.

Sorğuda iştirak edənlərin 47%-i Kanadanın düzgün istiqamətdə inkişaf etdiyini desə də, 39% əks fikirdə olub.

Şirkətin rəhbəri Devid Koletto bildirib ki, kanadalılar iqtisadi qeyri-müəyyənlik və bahalaşma ilə bağlı narahatlıqların əsas səbəbi kimi daxili siyasətdən daha çox ABŞ-dakı vəziyyəti və qlobal sabitsizliyi görürlər.

Sorğunun nəticələri Donald Trampın yenidən ABŞ prezidenti seçilməsindən və Mark Karninin Kanadanın baş naziri vəzifəsinə başlamasından sonra ABŞ-a münasibətdə narahatlığın artdığını göstərir.

Eyni zamanda, Kanada federal hökumətinin fəaliyyətini dəstəkləyənlərin nisbəti 59%, narazı olanların payı isə 27% təşkil edib.